Gjykata e Lartë ka caktuar datën 9 korrik për të shqyrtuar rekursin e bërë nga ish-kryeministri Sali Berisha dhe dhëndri i tij Jamabër Malltezi, të cilët po qëndrojnë në arrest shtëpie që prej muaj dhjetor 2023.
Po kështu, mësohet se relatori i çështjes, do të jetë Sokol Binaj, pas kërkesës nga avokatës e kryetarit të PD-së Sali Berisha.
Dyshja akuzohet për aferat e çështjes “Partizani”, privatizimi i këtij klubi, teksa Berisha akuzohet për korrupsion pasiv.
Berisha dhe Malltezi po hetohen nga SPAK lidhur me privatizimin e ish-kompleksit Partizani, ndërsa hetimet përfshijnë nga shpërdorimi i detyrës te korrupsioni pasiv dhe pastrimi i produkteve të veprës penale.
Kujtojmë se më 30 dhjetor 2023, GJKKO pranoi kërkesën e SPAK për ndryshimin e masës ndaj ish-kryeministrit nga ‘detyrim paraqitje’ në ‘arrest në shtëpi’.
Gjykata e Posaçme urdhëroi Berishën të mos largohet nga banesa e tij dhe të mos komunikojë me persona të tjerë përveç atyre që bashkëjetojnë me të në të njëjtën banesë, ndërsa për zbatimin e kësaj mase ngarkoi SPAK-un dhe shërbimet e policisë gjyqësore.
Sipas procedurave, mbikëqyrja policore parashikon shërbime të rregullta pranë banesës së zotit Berisha për të ndjekur respektimin e kësaj mase nga ana e tij.
Deri më sot të gjitha kërkesat që Berisha dhe Malltezi kanë paraqitur në Gjykatë janë rrëzuar nga shkallët e gjyqësorit.
